Кыргызстандын жогорку окуу жайларында абитуриенттерди кабыл алуу өнөктүгүнүн акыркы, бешинчи туру башталды. Кабыл алуу «Абитуриент онлайн» автоматташтырылган маалымат системасы аркылуу жүргүзүлөт.
- 11-августтан 13-август саат 14.00гө чейин абитуриенттер сынакка катышуу үчүн катталат;
- Окууга сунушталган абитуриенттердин тизмеси 14-августта саат 10.00гө чейин жарыяланат;
- 14-августтан 16-августка чейин саат 16.00гө чейин абитуриенттер университетке кирүү каалоосун ырасташы керек.
Эгерде бош орундар бар болсо, тизмеден кийинки жана кошумча кабыл алуу сунушталган абитуриенттердин тизмелери 18, 19 жана 20-августта илинет.
Тактап кетсек, төрт турда ЖОЖдорго 27,5 миң абитуриент, анын ичинен 6,6 миңи бюджеттик негизде, 21 миңге жакыны контракт боюнча кабыл алынган.