Мамлекеттик электрондук “Түндүк” порталы жарандарды пландуу техникалык иштер тууралуу эскертти. Чектөөлөр мобилдик тиркемеге жана мамлекеттик электрондук кызматтар порталына тиешелүү болот.
Маалыматка ылайык, техникалык иштер 17-апрелде саат 20:00дө башталып, 18-апрелде саат 12:00гө чейин уланат.
Бул аралыкта бардык мамлекеттик санариптик кызматтар жана сервистер убактылуу жеткиликсиз болот.
Ошол эле учурда тиркемедеги санариптик документтер бөлүмү иштей берет. Паспорт, айдоочулук күбөлүк жана башка документтер кадимки тартипте жеткиликтүү болот.
Адистер жарандарга керектүү маалымкаттарды жана документтерди алдын ала алып коюуну сунушташты.