1-майынан тарта Кыргызстанда электр энергиясына жаңы тарифтер күчүнө кирет. Өзгөрүүлөр Кыргыз Республикасынын Энергетика министрлиги тарабынан 2025–2030-жылдарга карата Орто мөөнөттүү тариф саясатынын алкагында киргизилүүдө.
Жалал-Абад облусунун Токтогул районунун тургундары жана Кара-Көл шаарындагы Жазы-Кечүү айылынын жашоочулары үчүн өзүнчө шарттар каралган. Алар колдонгон электр энергиясынын бир бөлүгү Токтогул ГЭСинин курулушунан келтирилген зыянды компенсациялоо тууралуу мыйзамга ылайык өздүк нарк менен төлөнөт.
Министрликтин маалыматына караганда, тарифтерди өзгөртүү энергетикалык системанын туруктуу иштешин камсыздоо жана электр энергиясынын баасын акырындап теңдөө максатын көздөйт.
Тарифтер салыктарды эсепке албастан көрсөтүлгөн.