Кыргыз-тажик чек арасы боюнча келишимдин долбоору эртең ЖКда каралат.
Бир айдын ичинде кыргыз-тажик чек арасы боюнча маселе биротоло чечилет. Келишимдин долбоору эртең Жогорку Кеңешке жөнөтүлөт. Бул тууралуу УКМК төрагасы Камчыбек Ташиев Баткен облусунун тургундары менен болгон жолугушууда билдирди.
«Эртең келишимдин долбоорун Жогорку Кеңештин тийиштүү комитетине сунуштайбыз, андан соң президенттер кол коюшат. Андан ары документти ратификациялоо үчүн кайра парламентке жөнөтөбүз, президенттер тиешелүү мыйзамга кол коюп, келишим күчүнө кирет. Бул иштер бир айдын ичинде бүткөрүлөт»,- деген Ташиев.