Саламаттыкты сактоо министри Эркин Чечейбаев Эне жана баланы коргоо улуттук борборунда болуп, органдарды трансплантациялоо боюнча операциялардын шарттары менен таанышты.
Анда Кыргызстанда бөйрөктү трансплантациялоо тармагында өсүш бар экени айтылды. 2024-жылы операциялардын саны 2023-жылга салыштырмалуу 36,4 пайызга өскөн.
«Келечекте медициналык туризмдин алкагында чет өлкөлүк жарандарга трансплантацияларды жүргүзүү мүмкүнчүлүгү да каралууда, бул жогорку технологиялык операцияларды жасаган мекемелерди каржылоонун кошумча булагы болуп калышы мүмкүн»,
— деди Саламаттыкты сактоо министри.