Кыргызстандын Түркиядагы элчиси Руслан Казакпаев түрк бийлигинен кыргызстандыктарга жыл сайын бекер даарылануу үчүн берилүүчү квотаны көбөйтүүнү суранды. Бул тууралуу ТИМ билдирди.
Элчи бул өтүнүчүн 7-марта Түркиянын вице-президенти Жевдет Йылмаз менен жолукканда айткан.
Жолугушууда тараптар эки өлкөнүн ортосундагы сооданы жеңилдетүү, кыргыз-түрк инвестициялык фондун түзүү, Кыргызстанда ири инвестициялык долбоорлорду ишке ашыруу маселелери тууралуу сүйлөшүшкөн.
Мындан тышкары саламаттык сактоо жаатындагы кызматташтык талкууланып, элчи Руслан Казакпаев Түркиянын медициналык мекемелеринде Кыргызстандын жарандарынын бекер дарылануусуна жыл сайын берилүүчү квотаны жаңыртуу жана көбөйтүү өтүнүчү менен кайрылган.