Ош облусунун Өзгөн районунун Прогресс айылында Т.Орозов атындагы жаңы мектептин курулушу уланууда.
Курулуш министрлигинен билдиришкендей, мектеп 150 окуучуга ылайыкталып, 79 млн. сомго бааланган.
Маалым болгондой, мектеп L формасында курулуп, үч блоктон турат: эки кабаттуу окуу корпусу, өтмө галерея жана спорт залы. Ошондой эле имаратта окуу бөлмөлөрүнөн тышкары китепкана, дарыгердин кабинети, ашкана жана актовый зал жайгашып, мектеп окуучуларынын билим алуусу жана өнүгүүсү үчүн ыңгайлуу шарттар түзүлөт.
Бүгүнкү күндө объекттин курулушка даярдыгы 60% түзүп, иш пландалгандай жүргүзүлүүдө.