Баткен шаарында 10 миң орундуу футбол стадиону курулат. Бул тууралуу президенттин облустагы өкүлчүлүгү билдирди.
Стадиондун курулушуна УКМК төрагасы, Кыргыз футбол биримдигинин президенти Камчыбек Ташиев мезгил кутусун салып, аны кийинки жылы ишке берүү пландары бар экенин белгилеген.
Стадион 10 гектар жерди ээлеп, футбол аренасынан сырткары үч машыгуу оюн талаасы жана төрт кичи футбол аянтчалары болмокчу. Ошол эле аймакка 100 кишилик жатакана салынат.