Достук айылы толугу менен тажик тарапка берилип, ордуна 91 гектар жер компенсациясы менен алынды.
Айылдагы жаңы салынган үйлөрдүн ордуна компенсация катары Тажикстандын Лаккон участогунан 30 гектар суулуу жер Кыргызстанга өттү.
“Достук айылын толугу менен тажик тарапка бердик, анкени ал биздин айылдардан эң алыс жайгашкан. Айылдан бизге стратегиялык же экономикалык пайда жок. 91 гектардын ордуна 91 гектар жер алдык. Бирок тажик тарапка жаңы үй курганбыз деп шарт койдук. Чек ара заставабыз да бар, ошону дагы кошуп бердик. Ушуга компенсация деп Карабак айылынын жанынан 30 гектар суулуу жер алдык. Достук айылындагыларды ал жерге көчүрүп, тургундарга кайрадан үй салып беребиз”, — УКМК төрагасы Ташиев.
Президенттик администрация Тажикстан менен чек ара маселесиндеги Достук айылы боюнча тактоо киргизди.
Бул Баткен районундагы Достук айылы жөнүндө сөз болуп жатат. Мурунку аты – Суу боюндагы Карабак. Айылдын жалпы аянты 35 гектар жана ал чакан айыл болуп эсептелет. Лейлек районундагы Достук айылына эч кандай тиешеси жок экенин билдиребиз»,- деп айтылат маалыматта.