Бүгүн, 3-марттагы Кыргыз Республикасынын Жогорку Кеңешинин Эл аралык иштер, коргоо, коопсуздук жана миграция боюнча комитетинин жыйынында «Жалпыга маалымдоо каражаттары жөнүндө» мыйзам долбоору каралып, биринчи окууда колдоо тапты.
Мыйзам долбоору боюнча Маданият, маалымат, спорт жана жаштар саясаты министринин орун басары Марат Тагаев маалымат берди.
ЖМКларды каттоо, кайра каттоо жана ишин токтотуу, маалыматка жетүү, жалпыга маалымдоо каражаттарынын ишин уюштуруу ченемдерин жана журналисттердин кесиптик ишмердигине байланыштуу башка ченемдерди тартипке келтирүү сунушталууда. 11-февралда Жогорку Кеңештин Транспорт, коммуникациялар, архитектура жана курулуш боюнча комитети аталган мыйзам долбоорун карап, биринчи окууда колдогон.