Ош шаарында төрт жаңы суу сактагычтын ачылыш аземи болуп өттү. Бул тууралуу шаардык мэриянын басма сөз кызматы билдирди.
Маалыматка ылайык, иш-чарага Ош шаарынын мэри Жеңишбек Токторбаев жана жергиликтүү тургундар катышты.
Ак-Буура дарыясынын жээгинде, мурдагы эски бассейндин ордуна курулган жаңы суу сактагычтардын жалпы көлөмү 24 миң куб метрди, ал эми жалпы аянты 5 миң 450,7 чарчы метрди түзөт.
Муниципалитеттин маалыматына караганда, ар кандай себептерден улам шаарда суу берүү убактылуу токтоп калса, бул суу сактагычтар аркылуу шаардын чыгыш бөлүгүнө үзгүлтүксүз суу жеткирүү камсыздалат.