Министрлер Кабинети аз камсыз болгон үй-бүлөлөргө социалдык колдоонун көлөмүн көбөйтүүнү пландаштырууда. Бул тууралуу Министрлер кабинетинин төрагасынын орун басары Эдил Байсалов 12-мартта Жогорку Кеңештин жыйынында билдирди.
Анын айтымында, 2024-жылы 23 миң үй-бүлөгө 100 миң сомдон материалдык жардам көрсөтүлгөн. 2025-жылы төлөмдөрдүн көлөмүн көбөйтүү гана эмес, колдоо көрсөтүү мүмкүнчүлүктөрүн кеңейтүү да пландаштырылууда.
Тактап айтканда, алынган каражатты ийгиликтүү ишке ашырган үй-бүлөлөр мамлекеттик банктардан 200 миң сомго чейин пайызсыз насыя ала алышат.