Жалпы республикалык тесттирлөөдөгү тапшырмаларды мектеп программасына дал келтирүү керек. Бул тууралуу бүгүн, 12-мартта Жогорку Кеңештин жыйынында төрага Нурланбек Тургунбек уулу билдирди.
Ал ЖРТнын суроолору мектеп программасы боюнча түзүлбөй жатканын, бүтүрүүчүлөр сынакты жакшы тапшырыш үчүн 2-3 ай окуу борборлоруна, башка мугалимдерге барып, акча төлөп даярданып, убара тартып жатканын айтты.
«Андан көрө мектеп программасына тесттеги тапшырмаларды дал келтириш керек. Бул боюнча канча жылдан бери айтылып келүүдө. Бизге да кайрылуулар көп түшүп жатат» – деди ал.
Жыйында отурган билим берүү министри Догдургүл Кендирбаева Тургунбек уулунун сөзүн колдоп, тесттеги тапшырмаларды мектеп программасына дал келтирүү боюнча иштер жүрүп датканын билдирди.