Кыргызстан, Тажикстан жана Өзбекстан Нооруз майрамын бирге белгилешип, иш-чарага президенттер катышат. Бул тууралуу Садыр Жапаров менен Эмомали Рахмондун сүйлөшүүсүндө белгилүү болду.
Кыргызстандын президенти элдердин ортосундагы ишенимди чыңдоо маанилүү экенин, бул жерде биргелешкен маданий иш-чаралар өзгөчө роль ойноорун белгиледи.
«Ушул контекстте 31-мартта Хожент шаарында боло турган Нооруз майрамынын маанилүүлүгүн белгилегим келет. Чакыруу үчүн ыраазычылык билдирем жана Ноорузду биргелешип белгилөө Борбордук Азия элдеринин тынчтыгын жана биримдигин билдирген жакшы салтка айланат деп ишенем» , — деди мамлекет башчысы.
Рахмон өз кезегинде Жапаровго Кыргызстандын, Тажикстандын жана Өзбекстандын президенттеринин Хожент шаарында өткөн үч тараптуу жолугушуусуна катышууну ырастаганы үчүн ыраазычылык билдирди.