2-октябрда таңкы саат 6:43тө Ысык-Көл облусунда күчү 3 баллга жеткен жер титирөө болду. Бул тууралуу Улуттук илимдер академиясынын Сейсмология институту маалымдады.
Жер титирөөнүн очогу 20 чакырым тереңдикте, Жетим-Бел кырка тоосунда жайгашкан. Ал Кажы-Сай айылынан 52 чакырым түштүк-чыгышта, Каракол шаарынан 115 чакырым түштүк-батышта катталган.
Адистердин айтымында, жер титирөө Кыргызстандын калктуу аймактарында сезилген эмес.