Өткөн аптада Бишкек — Нарын — Торугарт унаа жолунун боюна 800 түп көчөт отургузулду.
Транспорт жана коммуникациялар министрлигинен билдиришкендей, алсак унаа жолдун 71-72-чакырымдар аралыгына 300 түп, 105-107-чакырым аралыгына жана Дорожный — Чолок — Боомдун 0-1-чакырымдар аралыгына жалпысынан 500 даана көчөт отургузулду.
Белгиленгендей, жол жээгин жашылдандыруу иштери Военно-Антоновка-Үчхоз, Киркомстром-Жал-Аламүдүн, Ош-Баткен-Раззаков, Бишкек-Ош, Кара-Суу-Отуз-Адыр-Кең-Сай жана башка жети дубан жолдорунда жүрүүдө.
Эскерте кетсек, көчөттөр «Жашыл Мурас» улуттук өнөктүгүнүн алкагында Жол тейлөө ишканалары тарабынан отургузулду.