Акыркы жылдарда Кытай экологиялык таза транспортко багыт алуу менен электромобилдерди активдүү чыгара баштаган.
Бирок, жакында болгон окуя бул өлкө өзүнүн стратегиясын кайра карап чыгып, гибриддик технологияларга жана күйүүчү май менен иштөөчү кыймылдаткычтарга маани бере баштаганын көрсөттү. Өлкөнүн Ханчжоу сыяктуу ири шаарларында керектүү суроо-талаптын жоктугунан улам ташталган электромобилдер “бейиттери” пайда болгон. Көрсө, мамлекеттик ири субсидиялар электромобилдерди массалык түрдө чыгарууну шарттап, 2019-жылдагы субсидиялардын азайышы бир катар компаниялардын банкрот болуусуна алып келген. Ошого карабай 2025-жылы Кытайда салттуу кыймылдаткыч менен жүргөн унааларга караганда электромобилдер көбүрөөк чыгары божомолдонууда.