Добуш берүү өлкө ичинде жана чет мамлекеттерде ачылган шайлоо тилкелеринде тынч жана уюшкандыкта уланууда.
Борбордук шайлоо комиссиясынын маалыматына караганда, саат 18:00гө чейин шайлоочулардын 30,99 пайызы добуш берип үлгүрдү. Сан түрүндө бул 1 млн 330 миң шайлоочуну түзөт.
Ички иштер министрлигинин басма сөз кызматынын жетекчиси Султан Макиловдун билдирүүсүнө ылайык, өлкө боюнча ар бир шайлоо тилкесинде тартип коргоо кызматкерлери коомдук коопсуздукту камсыздап турат. Учурда мыйзам бузуу фактылары каттала элек.
Мөөнөтүнөн мурда өткөн шайлоодо 30 көп мандаттуу округдан 460 талапкер ат салышууда. Алардын ичинен 271 эркек, 189 аял талапкер.
Добуш берүү жергиликтүү убакыт боюнча саат 20:00гө чейин уланат.