Саат 20:00гө карата Жогорку Кеңештин депутаттарын мөөнөтүнөн мурда шайлоо расмий түрдө аяктады. Өлкө аймагындагы бардык шайлоо тилкелери жабылды. Бул тууралуу БШК төрагасы Тынчтык Шайназаров брифингде билдирди.
Анын айтымында, учурда автоматташтырылган эсептөө урналарынан добуш берүүнүн алдын ала жыйынтыктары боюнча маалыматтар келүүдө. БШК тийиштүү тартипте алынган маалыматтарды иштеп чыгып, жыйынтыктарды расмий түрдө жарыялайт.