Быйыл Нарын районундагы Солтон-Сары алтын кениндеги Бучук участогун иштетүү башталат. Бул тууралуу Жаратылыш ресурстар министри Медер Машиев Спутниктеги маалымат борборуна билдирди.
Анын айтымында, кытайлык Zhong Ji Mining Company компаниясы кендеги заводдун курулушун аяктады.
«Бул Кытайдын мамлекеттик China Gold компаниясынын филиалы. Быйыл 3,4 тонна алтын казып алууга милдеттенди. Ошондой эле 2-3 чалгындалган кен бар, алар ар кандай себептер менен өндүрүшү кечеңдеп жатат. Алардын бири Чаткал районундагы Чаарат кени, ал жерде 100 тоннадан ашык алтын бар экени тастыкталды. Ал жерде лицензия алган британиялык “Чаарат Заав» компаниясы кенди жакынкы 2-3 жылда алат»,- деди министр.