Балбан Раззак Бейшекеев грек-рим күрөшү боюнча Азия чемпионатында күмүш медалга ээ болду.
Финалда ал Олимпиада чемпиону ирандык Саид Эсмаили менен беттешип, 0:3 эсебинде утулду.
Буга чейин Бейшекеев япониялык Катсуоки Эндону жеңип, өткөн Азиялык оюндагы жеңилүүсү үчүн реванш алган.
Бул Кыргызстандын Азия биринчилигиндеги алгачкы күмүш медалы. Буга чейин байге куржунга бир коло түшкөн. Чемпионат Иорданияда өтүп жатат.