27-мартта Иорданиянын борбору Амман шаарында өтүп жаткан күрөш боюнча Азия чемпионатында Айпери Медет кызы 76 кг салмакта кыз-келиндер күрөшүнөн алтын медал алып, Азиянын үч жолку чемпиону болду.
Ал финалда индиялык Ритика Худаны 7:6 эсебинде утту. Кыргызстандык балбан акыркы 30 секундда төрт балл алып, жеңишке жетти. Медет кызы индиялык балбан кызды буга чейин 2024-жылы Парижде өткөн Жайкы Олимп Оюндарынын чейрек финалында да жеңген.
Амман шаарында 25-мартта башталган Азия чемпионаты 30-мартта аяктайт.