Быйылтан тарта Кыргызстандагы мейманканалар менен курортторго жылдызчалар бериле баштайт.
Тиешелүү токтомго өкмөт башчы кол койду.
“Жаңы стандарт менен коноктор кайсы жерде сапаттуу тейлөө кызматы көрсөтүлөрүн дароо түшүнсө болот. Мунун баары туристтерди тейлөөнүн сапатын жакшыртуу үчүн жасалууда”
Мейманкана менен курортторго бирден беш жылдызчага чейин, конок үйлөрүнө 4кө чейин эдельвейстер, боз үй тибиндеги лагерлерге 4кө чейин түндүк берилет.
Сапатты аныктоодо эл аралык тажрыйба колдонулат. Иш-чара этап-этабы менен болуп, жылдызчалар быйыл каалагандарга берилет.