Франциянын президенти Эммануэль Макрон Украинанын негизги стратегиялык аймактарына бир нече мамлекеттин аскердик бөлүктөрүн жайгаштырууну сунуштады. BFMTV каналынын маалыматына ылайык, бул маселеде Батыш өлкөлөрүнүн арасында бирдиктүү позиция жок, бирок алдын ала макулдашылган жайларга аскерлер киргизилиши мүмкүн. Макрондун айтымында, алардын максаты – «Россиянын мүмкүн болгон чабуулун токтотуу».
Ошондой эле Франция жана Улуу Британия Украинада армия түзүмүн реформалоо боюнча иш алып барарын билдирди. Макрон бул багытта АКШнын колдоосун күтөрүн, бирок ансыз да аракеттер көрүлөрүн белгиледи. Ал Кытайдын лидери Си Цзиньпин тынчтык жараянында активдүү роль ойнойт деп үмүттөнөрүн кошумчалады.