Президент Садыр Жапаров бүгүн, 31-мартта, Кожент шаарына иш сапары менен барды. Жапаровду Тажикстандын президенти Эмомали Рахмон тосуп алды.
Сапардын алкагында Кыргызстан, Тажикстан жана Өзбекстандын мамлекет башчыларынын үч тараптуу саммитин өткөрүү пландаштырылууда, анын негизги максаты үч өлкөнүн ортосунда мамлекеттик чек аралардын кесилишкен чекити жөнүндө келишимге кол коюу, ошондой эле маданий-гуманитардык чөйрөдө мындан аркы кызматташууну бекемдөө болуп саналат.
