Министрлер кабинетинин төрагасынын орун басары Эдил Байсалов, Бишкек мэри Айбек Жунушалиев жана маданият министри Мирбек Мамбеталиев элдин эркиндиги үчүн каза болгондордун эстелигине гүл коюп, бир мүнөт унчукпай эскеришти.
“Эл адилеттүүлүк, эркиндик жана бийликтин тазалыгы үчүн күрөштү. Мурункудан айырмаланып, азыр эл менен бийликтин биримдигин көрүп турабыз. Учурда калктын бардык көксөөсү орундалып жатат. 2010-жылдагы Апрель революциясы Кыргызстандын демократиялык жана адилеттүү мамлекет катары түптөлүшүндө маанилүү учур болду”, — деди Байсалов.