Мугалим мамлекеттин кулу эмес! Депутат тарбиячыларды ишембиликке тартуу туура эместигин айтып, акыйкатчыга кайрылды.
Дастан Бекешевге бала бакчадагы тарбиячы, мектептеги мугалимдер кайрылганын айтты.
“Азыр жума сайын ишембилик өтүп жатат. Ленин ойлоп тапкан жакшы демилге, бирок учурда туура эмес жол менен улантылууда. Мугалим балдар менен беш күн иштейт, алтынчы күнү акысыз иштеп, арык, таштанды тазалаганга мажбурлашат. Бул туура эмес. Алар мамлекеттин кулу эмес! Билим берүү министрлиги алардын укугун коргошу керек эле, бирок үн катпай отурат”, — деди эл өкүлү.
Акыйкатчы Жамиля Жаманбаева ага кайрылуу түшпөгөнүн, бирок кайрылуу келсе, сөзсүз карап чыгарын айтты.