Азамат Абдилашим уулу Маданият министрлигине караштуу Улуттук маданий борбордун директору болуп дайындалды. Бул тууралуу аталган министрликтин басма сөз кызматы маалымдады.
Жаңы жетекчини эмгек жамаатка маданият министри Мирбек Мамбеталиев тааныштырган.
32 жаштагы Азамат Абдилашим уулу Ж. Баласагын атындагы Кыргыз улуттук университетинин Маалыматтык жана инновациялык технологиялар факультетин аяктаган. Ал буга чейин Улуттук маданий борбордун бөлүм башчысы болуп эмгектенип келген.