Бишкекте өтүп жаткан ЖККУнун ПА кеңешинин көчмө жыйынында уюмдун баш катчысы дүйнөлүк жана регионалдык коопсуздук боюнча маанилүү маселелерди көтөрдү.
▪️ АКШ менен Россиянын диалогуна үмүт бар
Эки өлкөнүн ортосундагы сүйлөшүүлөрдүн кайра жанданышы Евразия чөлкөмүндөгү, анын ичинде ЖККУга тиешелүү аймактардагы чыңалган кырдаалдарды жөнгө салууга өбөлгө түзөрү шексиз.
▪️ Пакистан менен Индиянын ортосунда чыңалуу күч бойдон калууда
Бул маселеде жаңжалдын өрчүш ыктымалдыгы жогору экени белгиленди. Баш катчы мындай кырдаалда бардык мүмкүн болгон ыкмаларды колдонуп, чыңалууну басуу маанилүү экенин билдирди.
▪️ Кавказда оң жылыштар байкалууда
Армения менен Азербайжандын Түштүк Кавказда тынчтыкты жана туруктуулукту орнотууга багытталган аракеттери үмүт жаратат. Жакынкы мезгилде тынчтык келишимине кол коюлат деп күтүлүүдө.
▪️ Астана саммити – коопсуздук системасын өркүндөтүүнүн сигналы
ЖККУнун Астанада өткөн саммити жамааттык коопсуздук системасын заманбап шарттарга ылайыктап жаңылоонун зарылдыгын дагы бир жолу баса белгиледи.