Түндүк-Түштүк альтернативдүү жолундагы Көк-Арт тоннелинен акы төлөп өтүү сунушталууда.
Транспорт министрлиги мындай чара тоннелдин инфраструктурасын (вентиляция, жылуулук, жарыктандыруу) тейлөө үчүн керектигин белгилеген.
Тариф машинанын үлгүсүнө эле эмес, номерине жараша дагы коюлат. Маселен, номер Кыргызстан же ЕАЭБ өлкөсүнүкү болсо, арзаныраак, үчүнчү мамлекеттердики болсо, кымбатыраак коюлат.
Сунушталган баа:
Жеңил унаа — 100 сом (КР/ЕАЭС өлкөлөрүнө таандык номер), чет жактын номери тагылган машина — 200 сом
5 тонна жана 8ден ашык жүргүнчү ташыган транспорт — 250/1000 сом
3,5 тоннага чейин жүк ташыган автоунаа — 250/1000 сом
5 тоннадан ашык, 8ден көп жүргүнчү ташыган транспорт — 500/1500 сом
3,5 тоннадан 12 тоннага чейин жүк ташыган автоунаа — 500/1500 сом
12 тоннадан ашык жүк ташыган транспорт — 700/3000 сом
12 тоннадан ашык жүк ташыган, чиркегичи бар транспорт — 1000/5000 сом