Крымдын жана Орусия басып алган башка аймактардын статусун талкуулоо согуштун узартылышына гана алып келет. Бул тууралуу Украинанын президенти Владимир Зеленский Лондондо америкалык жана европалык делегациялары менен жолугушуу алдындагы брифингде билдирди.
«Бул биздин аймак, Украина элинин аймагы. Бул жерде сөз кыла турган эч нерсе жок. Бул биздин Конституциядан тышкары», — деди Зеленский.
Анын айтымында, Киев Орусиянын Крым боюнча юрисдикциясын тааныбайт.