Чеченстандын Президенти Рамзан Кадыровдун уулу, 17 жаштагы Адам Кадыров Коопсуздук кеңешинин катчысы болуп дайындалганы тууралуу маалыматты «Кавказ Реалии» басылмасы таратты. Так дайындалган күнү ачык айтылган жок, бирок кеңештин курамы Чеченстандын башчысы тарабынан түзүлөт.
Адам Кадыров буга чейин коопсуздук бөлүмүнүн башчысы болуп иштеп келген жана Украинадагы согушта катышып жаткан Шейх Мансур менен Байсангур Беноевскийдин батальондорунун, ошондой эле Гудерместеги Владимир Путин атындагы атайын күчтөр университетинин жана Чеченстандын Ички иштер министрлигинин куратору катары белгилүү.
Ал Чеченстандын Баатыры наамын алып, Россиянын рекорддор китебине өлкөнүн эң жаш коопсуздук кызматын жетектеген жетекчи катары кирген.