24-25-апрелинде Бишкекте “Туруктуу өнүгүү үчүн глобалдык тоо диалогу” эл аралык конференциясы өтөт. Иш-чара 2027-жылы боло турган “Бишкек+25” саммитине даярдык катары уюштурулууда. Бул тууралуу Жаратылыш ресурстары министрлигинин өкүлү Кумар Мамбеталиев билдирди.
Кыргызстандын демилгеси менен 2023–2027-жылдар “Тоолор беш жылдыгы” деп жарыяланган. Конференция “Ала-Арча” резиденциясында өтөт. Ага 60ка жакын өлкөдөн өкүлдөр катышат. Биринчи күнү президент Садыр Жапаровдун келүүсү күтүлүүдө.
Экинчи күнү талкуулар сессияларга бөлүнүп улантылат. Акырында “Ала-Арча” паркында көчөт отургузуу болот.
2026-жылы Нью-Йоркто пре-саммит өтөт. Ал эми негизги иш-чара “Бишкек+25” 2027-жылы өткөрүлөт. Анда тоо экосистемаларын сактоо боюнча жыйынтыктар чыгарылат.