Centralasia басылмасы кыргыз балын уурдоого шектелген япониялык абышкага эң жакшы, кымбат делген бал белекке берилгенин жазды.
Осако шаарынын 83 жаштагы тургуну 16-апрелде «Экспо-2025» жарманкесинде уурулукка шектелип кармалганы айтылган. Эртеси полиция улгайган адамды кечирим суратуу үчүн Кыргызстандын павильонуна алып келген.
Жарманкеде иштеген кыргызстандыктар доосу жок экенин айтып, полициядан ал кишини кое берүүсүн өтүнүшкөн. Мындан тышкары, абышкага ардактуу конокторго бериле турган эң жакшы, кымбат балдан белек кылышкан.