Бүгүн, 28-апрелде Бишкекте “Алтын казык” билим берүү реформасынын алкагында иштелип чыккан 4-класстын окуучулары үчүн англис тили боюнча алгачкы окуу-методикалык комплекттердин бет ачары болду.
Иш-чара Билим берүү жана илим министри Догдуркүл Кендирбаева, Улуу Британиянын элчиси Николас Боулер жана ЮНИСЕФтин Кыргызстандагы өкүлчүлүгүнүн жетекчиси Сэмман Жунг Тхаптын катышуусунда өттү.
Окуу комплекттерин биринчилерден болуп Бишкектеги профессор А.Молдокулов атындагы Улуттук инновациялык технологиялар мектеп-лицейинин окуучулары алышты. Китептери жакын арада өлкөнүн бардык мектептерине жеткирилет.
4-класстар үчүн англис тили китептерин басып чыгаруунун жалпы баасы 24,6 млн сомду түздү.
Материалдар «Окуу китеп» басмасы жана «Учкун» басмаканасы тарабынан иштелип чыккан.