Financial Times акыркы эки айда Кремлдин өкүлдөрү менен кеминде алты жолу жолуккан Ак үйдүн расмийлери сүйлөшүүлөрдөн «куру кол» кайтып келип жатышканын жазды.
Басылманын маалыматына ылайык, Трамп Украинадагы жаңжалды жөнгө салуудан баш тартуу алдында турат жана сүйлөшүүлөрдөгү аз да болсо жылыштарды жетишкендик катары көрсөтүүгө даяр.
Ошондой эле FTнин булактарында Трамп кызматтагы алгачкы 100 күнүн белгилеп жатып кандайдыр бир дипломатиялык ийгиликти көрсөтүүгө аракет кылып жатканы, Ак үй Кремлге санкцияларды алып салуу, бизнес кызматташтыгы жана Крымды таануу сыяктуу сунуштар топтомун сунуштаса да, Путин Украинаны «деназификациялоо» талабынан баш тартпай келгени айтылат.