КЭДР лидери Ким Чен Ын Россияга кол салуу болгон учурда Пхеньян жардам берүүгө даяр экенин билдиргенин РИА Новости жазды. Анын айтымында, эгер Америка Кошмо Штаттары жана анын өнөктөштөрү Россияга каршы аракеттерин токтотпосо, КЭДР жооп кайтарат.
«Корея–Россия аскердик келишимине ылайык, душмандардын чабуулун токтотуу үчүн КЭДР куралдуу күчтөрүн колдонуу боюнча буйрук берүүгө даярмын», — деди Ким Чен Ын.
Россиянын Куралдуу күчтөрүнүн башкы штабынын башчысы Валерий Герасимов 26-апрелде президент Владимир Путинге отчёт берип жатып, Түндүк Кореянын Украинага каршы операцияларда көрсөткөн көмөгүн өзгөчө белгилеген. Путин кореялык жоокерлерге, Ким Чен Ынга жана КЭДР элине ыраазычылык билдирген.