Ооганстан бийлиги шахмат оюндары динге жат көрүнүш жана “кумар оюндардын” бир түрү болуп эсептелет деген кине менен шахмат мелдештерин өткөрүүгө тыюу салды.
Спорт департаментинин өкүлү Атала Машвани “шахмат шариятта кумар оюн болуп эсептелет, динге канчалык туура келет деген суроо бар”, — деди. Ал улуттук шахмат федерациясын жана жетекчилерин сындап, маселелер чечилмейинче, шахмат ойноо Ооганстанда убактылуу токтотуларын кошумчалады.
Радикал кыймыл бийликке кайтып келген 2021-жылдын августунан бери Ооганстанда бир катар спорттук жана маданий иш-чараларга: музыка, кино, аялдардын билим алуусуна жана аялдардын коомдук турмушка катышуусуна тыюу салынган.