Бүгүн, 14-майдагы Жогорку Кеңештин жыйынында депутат Марлен Маматалиев айлык, пенсия көтөрүлүп жатканы жакшы экенин, бирок кымбатчылык болуп жатканын айтты.
«Аймактарды кыдырып келдик. Пенсия көтөрүлүп жатат. Айлык көтөрүлүп жатат. Баары жакшы. Бирок артынан кымбатчылык болуп жатат. Монополияга каршы комитет креслого жабышпай, сыртта иштеш керек. Чүйдө нефтебазада дизель 60 сом турат. Май куюучу жайларда 73 сом деп турат. Цемент кымбаттады деп туруп, башка нерселер да кымбаттап жатат. Кафе-ресторандарды карап көргүлө. Булар тейлөөнү 15 пайызга көтөрүп алышты. Бул да кымбатчылыкка алып келет»,— деди депутат.