Кечээ Москва шаарында Россиянын ички иштер министри Владимир Колокольцев менен Кыргызстандын ички иштер министри Улан Ниязбеков жолугушту. Жолугушуунун алкагында тараптар Улуу Жеңиштин 80 жылдыгын эскерип, Колокольцев кыргыз элинин согуштагы баатырдыгына жана салымына жогору баа берди.
Министрлер мыйзамсыз миграция, кибер кылмыштуулук, наркотрафик, эл аралык издөө жана башка коопсуздук маселелери боюнча пикир алышты.
“Жолугушуунун соңунда эки тарап тең кызматташтык достук жана конструктивдүү маанайда жүрүп жатканын белгилеп, мындан ары да тыгыз иш алып барууга даяр экендиктерин билдиришти”,-деп айтылат Кр ИИМдин маалыматында.