Президент Садыр Жапаров кыргыз-казак элинин ортосуна жик салууга аракет кылган күчтөр тууралуу Кабар агенттигине маек курду. Анда президент соцтармакка тараган чагымчыл видеотасма боюнча кечээ жазган билдирүүсүнө түшүндүрмө берген.
“Бул ишти Кыргызстанда да, Казакстанда да жашап жаткан оппозициялык күчтөр кылып жатса керек деп ойлойм. Эки элди ушинтип кайраштырып ийсек деген арам ойлору болушу мүмкүн. Анан буга чейин деле байкасаңыздар керек, бул тема көтөрүлгөндө соцтармактын колдонуучулары эки жактан тең бир-бирин жамандап, акыйнек айтышып жатып калышат”-
деген Жапаров.