Иранда бийлик иттерди сейилдетүүгө жана унаа менен ташууга расмий түрдө тыюу салды. Бул тууралуу бир катар ирандык жана эл аралык ЖМКлар жазып чыгышты.
Тегеранда мындай чектөө алты жылдан бери күчүндө болсо, акыркы маалыматтарга ылайык, Иран боюнча дагы 18 шаар бул эрежени кабыл алып, ишке ашырууда.
Ирандагы расмий көз караш боюнча, иттер «таза эмес» жаныбарлар катары саналат. Бийлик өкүлдөрү бул чараны коомдук тартипти жана маданий баалуулуктарды сактоо максатында көрүлүп жаткан кадам катары түшүндүрүшүүдө.
Иранда көптөгөн жарандар иттерин шаар четиндеги аймактарга алып чыгып, кечинде сейилдетүүгө көнүп калышкан.