АКШ дүйнөдөгү эң кубаттуу ядролук куралдардын бири болгон жаңы B61-13 атом бомбасын өндүрүп бүттү. Бул тууралуу АКШ Энергетика министрлиги расмий жарыялады.
Министр Крис Райт билдиргендей, бомба пландагыдан бир жыл эрте, болгону эки жылдын ичинде даяр болду. Мындай ылдамдык АКШнын ядролук мүмкүнчүлүктөрүн кыска убакытта жаңырта аларын көрсөтөт.
B61-13 — мурдагы B61-12 үлгүсүнүн негизинде иштелип чыккан, бирок кубаттуулугу 360 килотоннага чейин жетет. Бул аны жер алдындагы бункерлерди жана стратегиялык объекттерди жок кылууга ылайыкташтырат.
Райт мындай өнүгүү «Трамптын “Күч аркылуу тынчтык” стратегиясынын» бир бөлүгү экенин белгилеп, бул курал АКШнын күчүн союздаштарга да, атаандаштарга да көрсөтөт деди.