Агартуу министри Догдуркүл Кендирбаев 26-майда Жети-Өгүздөгү мектептерде өткөн “Акыркы коңгуроо” иш-чараларына катышты.
Маалыматка ылайык, ал Кичи-Жаргылчак айылындагы Т. Мурзабеков жана С. Мендебаев мектептериндеги, ошондой эле Оргочор айылындагы М. Тынаев атындагы мектепте өткөн “Акыркы коңгуроо” салтанатына катышып, мугалимдерди, окуучуларды жана алардын ата-энелерин 2024-2025-окуу жылынын аякташы менен куттуктады.
Мындан сырткары, Кендирбаева жаш муундарды окутуп, тарбиялоо ишине кошкон салымдары үчүн бир катар педагогдорго сыйлыктарды тапшырганы айтылат.