Кытай Тайванга күтүүсүз чабуул жасоо жөндөмүн олуттуу жакшыртты. Бул тууралуу Financial Times басылмасы Тайвань жана АКШдагы расмий булактарга таянып жазды.
Тайвандын жогорку даражалуу аскерий өкүлү Кытайдын аба жана ракеталык күчтөрү “тынч мезгилден согуш абалына каалаган убакта өтө ала турган” деңгээлге жеткенин билдирди.
АКШнын Коргоо министрлигиндеги булак Кытайдын 10го жакын аскер-деңиз жана жээк коопсуздук кемелери Тайвандын тегерегинде туруктуу жайгашып турганын айтты. Алар “сааттардын ичинде” блокада баштай алышат.
Тайвандын коргоо кызматкерлери Кытайдын ракеталары аралдын каалаган бурчуна сокку ура аларын белгилешти. Аймактагы чыңалуу жогору бойдон калууда.