25–26-майда Жогорку Кеңештин депутаты Динара Ашимова БУУнун Азык-түлүк жана айыл чарба уюмунун Кыргызстандагы өкүлү Олег Гучгельдыев менен биргеликте Ош облусунун Алай районуна иш сапар менен барды.
Сапар учурунда делегация пилоттук айыл чарба долбоорлорунун, экологиялык демилгелердин жана таза суу тармагындагы иштердин жүрүшү менен таанышып, жергиликтүү тургундар жана жетекчилер менен жолугушту. Ошондой эле тарыхый-маданий жайларга жана жаштардын чыгармачылык иш-чараларына катышты.
Райондук администрацияда өткөн жыйында аймактагы маселелер жана эл аралык кызматташтыктын мүмкүнчүлүктөрү талкууланды. Натыйжада пилоттук демилгелерди башка аймактарга да жайылтуу сунушу көтөрүлдү.