Бишкектеги Кара-Жыгач токоюнда «Baatyr Race» аттуу экстремалдык тоскоолдуктар жарышы өттү.
Маалыматка ылайык, мелдешке Казакстан менен Өзбекстандан да спортчулар келип, жалпы 500 адам катышкан.
Жарыштын максаты Кыргызстанда сергек жашоо образын жана тоскоолдуктар менен жарыштарды жайылтуу экени белгиленди.
«Бул жарыш спорттук гана эмес, социалдык мааниге ээ болуп, ондогон командаларды жана жүздөгөн жеке катышуучуларды активдүү дене тарбияга үндөдү», — деп жазылат маалыматта.
Бардык катышуучуларга эстеликке медалдар, ал эми жеңүүчүлөргө баалуу жана акчалай сыйлыктар ыйгарылган.
