Оштун мэри Жеңишбек Токторбаев «Келечек» базарынын жаңы муниципалдык базарына көчүрүүгө нааразы болгон соодагерлер менен жолукту.
Сатуучулардын айтымында, Ош мэриясы алардын пикирин эске албай, жаңы базардан 1 чарчы метрин 1000 доллардан сатып алууну сунуштап жатат. Алар жаңы базар курулуп жаткан материалдардын сапатына да нааразы.
Мэр аларды угуп, жума күнү жолугушууну, маселени чечүүнүн жолдорун табууга убада берди. Эске салсак, Ош шаардык мэриясынын басма сөз кызматы 1-июлдан тарта түштүк борбордун бардык ири базарлары жаңы муниципалдык базардын аймагына көчүрүлөөрүн билдирген.