Бишкек шаарынын мэри Айбек Жунушалиев айланма жолду кеңейтүүдө үйү бузулган 28 үй ээси Мамлекеттик ипотекалык компаниядан батир ала турганын билдирди.
Айтымында 18 жаран турак жайга ээ болсо, 10 үй ээси боюнча чечим даярдалууда. Алар турак-жайды кезексиз алышат.
“Бул маселени тез арада чечүүгө мыйзам жол берет, анткени жарандарды көчөдө калтырууга болбойт. Мыйзамдын алкагында мамлекет башчынын тиешелүү буйругу бар болчу. Аларга дагы бир жылдык жеңилдик берилет”
– деди мэр.