Европа өлкөлөрүндө дары-дармектин жетишсиздиги жылдан-жылга курчуп, акыркы жылы рекорддук деңгээлге жетти. Бул тууралуу Эсеп палатасынын отчетунда айтылат.
Документте белгиленгендей, көйгөйдү чечүүгө жалпы европалык көзөмөл органынын жоктугу жана мүчө мамлекеттердин мыйзамдарындагы айырмачылыктар тоскоол болууда.
2022–2024-жылдар аралыгында Европанын дары-дармек агенттигине (EMA) 136 жолу олуттуу тартыштык боюнча маалымат берилген. 2025-жылдын март айына карата 34 дары дефицитте болсо, анын ичинен 16сы Еврокомиссиянын зарыл дары-дармектер тизмесине кирет.
Адистердин айтымында, тартыштыкка өндүрүштөгү көйгөйлөр, суроо-талаптын күтүүсүз өсүшү же өндүрүүчүнүн дарыны сатуудан алып салышы себеп болууда.